கல்லுண்டாய் வெளியில் வாள் மற்றும் இரும்புக் கம்பிகளுடன் நான்கு பேர் கைது…

குளோபல் தமிழ்ச் செய்தியாளர்…

இரண்டு மோட்டார் சைக்கிள்களில் வாள் மற்றும் இரும்புக் கம்பிகளுடன் சென்ற நான்கு இளைஞர்களை மானிப்பாய் காவற்துறையினர் கைது செய்துள்ளனர். மானிப்பாய் காவற்துறையினர் மேற்கொண்ட சுற்றுக் காவலின் போது கல்லுண்டாய் வெளிப் பகுதியில் வைத்து நேற்றிரவு கைது செய்துள்ளதாக காவற்துறையினர் தெரிவிக்கின்றனர்.

யாழ் மாவட்டத்தில் அண்மைக்காலமாக அதிகரித்து வருகின்ற வாள்வெட்டுச் சம்பவங்கள் உள்ளிட்ட வன்முறைகளையடுத்து காவற்துறையினர் ரோந்து, காவற்துறையின் காவல் பணி என்பன பல இடங்களிலும் மேற்கொள்ளப்பட்டு வருகின்றன.

இவ்வாறு மானிப்பாய் காவற்துறையினர் மேற்கொண்ட காவற்துறை சுற்றுக் காவலின் போதே நேற்றிரவு வாள்கள் இரும்புக் கம்பிகளுடன் மோட்டார் சைக்கிளில் சென்ற நான்கு பேரும் கைது செய்யப்பட்டு விசாரணை மேற்கொள்ளப்பட்டு வருகிறது.