ஆசிய கிண்ண கால்பந்து – கட்டார் முதல்முறையாக இறுதிப்போட்டிக்கு முன்னேறி சாதனை

ஐக்கிய அரபு அமீரகத்தில் நடைபெற்று வருகின்ற 17-வது ஆசிய கிண்ண கால்பந்து போட்டியில் கட்டார் அணி அமீரகத்தை தோற்கடித்து முதல்முறையாக இறுதிப்போட்டிக்கு முன்னேறி சாதனை படைத்துள்ளது.

அபுதாபியில் நேற்றையதினம் நடைபெற்ற அரைஇறுதிப் போட்டியில் கட்டார் அணி, ஐக்கிய அரபு அமீரகத்தை எதிர்கொண்டிருந்த நிலையில் 4-0 என்ற கோல் கணக்கில் அமீரகத்தை தோற்கடித்து முதல்முறையாக இறுதிப்போட்டிக்கு முன்னேறி சாதனை படைத்துள்ளது.

கட்டார் அணி கோல்களை போட்டதும் ஆத்திரமடைந்த அமீரக ரசிகர்களில் சிலர் மைதானத்திற்குள் செருப்புகள் மற்றும தண்ணீர் போத்தல்களை எறிந்ததனால் இரண்டு முறை போட்டி பாதிக்கப்பட்டிருந்தது.

இந்தநிலையில் எதிர்வரும் முதலாம் திகதி நடைபெறவுள்ள இறுதிப் போட்டியில் கட்டார் அணி, ஜப்பானை எதிர்கொள்ளவுள்ளமை குறிப்பிடத்தக்கது