நீண்ட இடைவெளிக்குப் பிறகு ஜித்தன் ரமேஷ் நடிக்கும் ‘ஒங்கள போடணும் சார்’ படத்தின் முதல் சுவரொட்டியை நடிகர் ஆர்யா வெளியிடவுள்ளார். ஜித்தன் ரமேஷ் நடிப்பில் தற்போது உருவாகி வரும் ஒங்கள போடணும் சார் திரைப்படத்தில் இவருடன் சனுஜா சோமநாத், ஜோனிட்டா, அனு நாயர், பரிட்சித்தா, வைஷாலி ஆகிய 5 அறிமுக கதாநாயகிகள் நடிக்கின்றனர்.
ஸிக்மா பிலிம்ஸ் பட நிறுவனத்தின் சார்பில் மனோஜ் தயாரிப்பில் உருவாகி இப்படத்தை இரட்டை இயக்குநர்கள் ஆர்.எல்.ரவி மற்றும் ஸ்ரீஜித் இயக்கி வருகின்றார்கள். பாடலாசிரியர் முருகன் மந்திரம், இப்படத்தில் பாடல்கள் மற்றும் வசனத்தை எழுதி இருப்பதோடு முக்கிய கதாபாத்திரத்தில் நடித்தும் இருக்கிறார்.
இந்நிலையில், இப்படத்தின் முதல் புகைப்படம் மற்றும் முதல் சுவரொட்டியை நடிகர் ஆர்யா தனது சமூக வலைத்தள பக்கத்தில், மார்ச் 7ம் தேதி மாலை 5 மணிக்கு வெளியிட இருக்கிறார்.
