வெலிசரயில் நிறுத்தி வைக்கப்பட்டிருந்த கார் சோதனை – வத்தளையில் இருவர் கைது

வெலிசர, நவலோக விளையாட்டு மைதானத்திற்கு அருகில் சந்தேகத்திற்கு இடமான முறையில் நிறுத்தி வைக்கப்பட்டிருந்த கார் ஒன்றை பாதுகாப்பு படையினர் சோதனை செய்து வருகின்றனர் எனத் தெரிவிக்கப்பட்டுள்ளது.

இதனால் கொழும்பு – நீர் கொழும்பு பிரதான வீதி மஹபாகே சந்தியில் தற்காலிகமாக மூடப்பட்டுள்ளதாகவும் தெரிவிக்கப்படுகின்றது. இதேவேளை வத்தளை பகுதியில் மேற்கொண்ட சுற்றிவளைப்பின் போது நேற்றைய குண்டுவெடிப்புடன் தொடப்புடையவர்கள் என்ற சந்தேகத்தின் பேரில் இருவரை கைது செய்துள்ளதாக காவல்துறையினர் தெரிவித்துள்ளனர்.

வத்தளை எந்தேரமுல்ல வீதியில் அமைந்துள்ள தேவாலயத்திற்கு அருகில் உள்ள வீட்டிலிருந்தே குறித்த இருவரையும் கைது செய்துள்ளதாக காவல்துறையினர் மேலும் தெரிவித்துள்ளனர்.