இந்த ஆண்டின் அதிசிறந்த கால்பந்தாட்ட வீரருக்கான குயினஸ் விருதை போர்த்துக்கல் அணி வீரர் கிறிஸ்டியானோ ரொனால்டோ கைப்பற்றியுள்ளார்.
போர்த்துக்கல் அணிக்காக தேசிய மற்றும் சர்வதேச அரங்கில் பிரகாசித்தவர்களைக் கௌரவிப்பதற்காக குயினஸ் விருது வருடாந்தம் போர்த்துக்கல் கால்பந்தாட்ட சம்மேளனத்தினால் வழங்கப்பட்டு வருகின்றது.
அந்தவகையில் இவ்வருட விருது வழங்கல் விழா போர்த்துக்கல் தலைநகர் லிஸ்பேர்னில் நடைபெற்ற நிலையில் அதில் ஆண்டின் அதிசிறந்த வீரருக்கான விருது நட்சத்திர வீரரான கிறிஸ்டியானோ ரொனால்டோவுக்கு வழங்கப்பட்டுள்ளது.
இதேவேளை, போர்த்துக்கல் அணியின் ஜெசிக்கா சில்வா ஆண்டின் அதிசிறந்த வீராங்கனையாக தெரிவாகியுள்ளதுடன் சிறந்த பயிற்றுநருக்கான விருதைப் போர்த்துக்கல் அணியின் பயிற்றுநரான பெர்னாண்டோ சான்டோஸுக்கு வழங்கப்பட்டுள்ளமை குறிப்பிடத்தக்கது #குயினஸ்விருதினை #ரொனால்டோ #ஜெசிக்காசில்வா
