யாழ்ப்பாணம் மாநகரப் பகுதியில் உள்ள வீடொன்றில் தகாத நடவடிக்கைகள் இடம்பெற்று வந்த நிலையில் இன்று இரவு காவற்துறையினரால் சுற்றிவளைக்கப்பட்டு வெளிமாவட்டத்தைச் சேர்ந்த பெண்கள் இருவர் காவற்துறையினரால் விசாரணைக்கு உட்படுத்தப்பட்டுள்ளனர்.
பின்னர் அங்கிருந்த இரு பெண்களையும் ஆண் ஒருவரையும் அந்த வீட்டிலையே தனிமைப்படுத்த காவற்துறையினர் மற்றும் பொதுசுகாதார பரிசோதகர்கள் நடவடிக்கை எடுத்தனர்.
யாழ்ப்பாணம் நாவலர் வீதியில் மனோகரா தியேட்டருக்கு அண்மையாக உள்ள வீடொன்றிலேயே அண்மைக்காலமாக தகாத நடவடிக்கைகள் இடம்பெற்று வந்த நிலையில் அயலவர்களால் காவற்துறையினருக்கு அறிவிக்கப்பட்டுள்ளது.
அந்த வீட்டை இன்று இரவு 7.45 மணியளவில் சுற்றிவளைத்த காவற்துறையினர், அங்கிருந்த வெளிமாவட்டத்தைச் சேர்ந்த பெண்கள் இருவரையும் விசாரணைக்கு உள்படுத்தினார். அத்துடன் அங்கு விடுதி நடத்தி வந்தவரையும் காவற்துறையினர் விசாரணை நடத்தினர். அதன்போது அங்கிருந்தவர்கள் விசாரணைகளின் போது தொடர்ந்து முன்னுக்கு பின் முராண தகவல்களை வழங்கியுள்ளனர்.
இதனால் இன்றைய தினம் இருவரும் குறித்த வீட்டிலையே தனிமைப்படுத்தி வைக்க நடவடிக்கை எடுக்கப்பட்டுள்ளது. நாளைய தினம் அவர்களை தனிமைப்படுத்தல் முகாமுக்கு அனுப்ப நடவடிக்கைகளை எடுக்கவுள்ளதாக காவற்துறையினர் தெரிவித்தனர்.
