கொரோனா வைரஸ் பரவல் காரணமாக பிரித்தானியாவின் லண்டன் மற்றும் அவுஸ்திரேலியாவின் மெல்பர்ன் நகரங்களில் சிக்கியுள்ள இலங்கையர்களை நாட்டுக்கு அழைத்துச் செல்ல, விசேட விமான சேவைகளை முன்னெடுக்க ஸ்ரீலங்கன் விமான சேவை தீர்மானித்துள்ளது. வெளிவிவகார அமைச்சின் தலையீட்டுடன் இந்த விசேட விமான சேவை முன்னெடுக்கப்படவுள்ளது.
அதற்கமைய நாளை (03), நாளை மறுதினம் (04) மற்றும் எதிர்வரும் 05 ஆம் திகதிகளில் லண்டனில் இருந்து மூன்று விமான சேவைகளும் மெல்பர்னில் இருந்து ஒரு விமான சேவையும் முன்னெடுக்கப்படவுள்ளது. அதேபோல் எதிர்வரும் 3 ஆம் திகதி முதல் 5 ஆம் திகதி வரை லண்டனில் இருந்து கொழும்பு நோக்கி மூன்று விமான வேவைகளும் முன்னெடுக்கப்படவுள்ளன.
இதற்கும் மேலதிகமாக மே 8 ஆம் திகதி மெல்பர்னில் இருந்து கொழும்பு நோக்கி விசேட விமான சேவை ஒன்று முன்னெடுக்கப்படவுள்ளதாக க ஸ்ரீலங்கன் விமான சேவை தெரிவித்துள்ளது.
