காவற்துறையினரின்  கடமைக்கு இடையூறாம் – சுட்டுவிட்டோம் என்கிறது காவற்துறை…

மொரட்டுவை, லுணாவ பகுதியில் காவற்துறையினரின்  கடமைக்கு இடையூறுவிளைவித்த குற்றச்சாட்டில் 39 வயதான ஒருவர் சுட்டுக்கொல்லப்பட்டார். நேற்று இரவு 12.25 அளவில் இந்த சம்பவம் இடம்பெற்றுள்ளதாக காவற்துறை ஊடகப் பேச்சாளர் தெரிவித்துள்ளார்.கண்காணிப்பு கடமையில் ஈடுபட்டிருந்த அங்குலான காவற்துறை  அதிகாரிகள் மூன்று பேர், வீதித் தடைகளை ஏற்படுத்தி சோதனையில் ஈடுபட்டுள்ளனர்.

இதன்போது முச்சக்கர வண்டி ஒன்றை சோதனைக்கு உட்படுத்தியபோது, அதில் இருந்தவர்களுடன் ஏற்பட்ட வாய்த்தர்க்கம் முரண்பாடாக மாறியுள்ளதாக தெரிவிக்கப்பட்டுள்ளது. இதன்போது காவற்துறையினரின் கடமைக்கு இடையூறு ஏற்படுத்தியபோது, துப்பாக்கி சூடு இடம்பெற்றதாக ஊடகப்பேச்சாளர் தெரிவித்துள்ளார்.