டெல்லி பாராளுமன்றத்தில் தீ

டெல்லியில் உள்ள பாராளுமன்ற வளாக கட்டிடத்தில் தீவிபத்து ஏற்பட்டதையடுத்து, தீயணைப்பு வீரர்கள் தீயை அணைக்கும் பணியில் ஈடுபட்டுள்ளதாக தொிவிக்கப்பட்டுள்ளது

டெல்லியில் பாராளுமன்ற மழைக்கால கூட்டத்தொடருக்கான ஏற்பாடுகள் நடைபெற்று வரும் நிலையில், பாராளுமன்ற வளாக இணைப்பு கட்டத்தில் இன்று திடீரென தீ விபத்து ஏற்பட்டுள்ளது. 6வது மாடியில் தீப்பிடித்ததையடுத்து தீயணைப்புத் துறைக்கு தகவல் தெரிவிக்கப்பட்டது. தீயணைப்பு வீரர்கள் 5 வாகனங்களில் விரைந்து சென்று தீயை கட்டுப்படுத்தும் பணியில் ஈடுபட்டுள்ளனர் எனத் தொிவிக்கப்பட்டுள்ளது

பாராளுமன்ற மழைக்கால கூட்டத்தொடர் இந்த மாத இறுதியில் அல்லது அடுத்த மாதம் (செப்டம்பர்) தொடக்கத்தில் ஆரம்பமாகவாய்ப்பு உள்ளது.

கொரோனா தொற்றுக் காரணமாக பாராளுமன்ற உறுப்பினர்கள் சமூக இடைவெளியை கடைப்பிடிக்க வேண்டும் என்பதால், இரு அவைகளிலும் உறுப்பினர்களுக்கு இருக்கை அமைப்பதில் பல்வேறு மாற்றங்கள் செய்யப்பட்டு வருகின்றன. #டெல்லி #பாராளுமன்றத்தில் #தீ