வெளிமாவட்டங்களில் இருந்து வந்து செல்லும் பேருந்துகள் யாழ்ப்பாணம் வைத்திய சாலை வீதியால் உள் நுழைவது மற்றும் வெளி செல்வது முற்றாக தடை செய்யப்பட்டுள்ளது என யாழ்.மாநகர சபை முதல்வர் சட்டத்தரணி வி.மணிவண்ணன் அனுப்பியுள்ள செய்தி குறிப்பில் குறிப்பிடப்பட்டுள்ளது.
அதில் மேலும் குறிப்பிடப்பட்டு இருந்ததாவது,
வெளிமாவட்டங்களுக்கு சேவையில் ஈடுபடும் பேருந்துகள் நேராக புதிதாக அமைக்கப்பட்ட நெடுந்தூர பேருந்து தரிப்பிடத்திற்கு செல்ல வேண்டும்.
புதிய பேருந்து தரிப்பிடத்தை இலங்கை போக்குவரத்து சபையும் தனியார் பேருந்து உரிமையாளர்களும் பயன்படுத்த மறுத்து வரும் நிலையில் யாழ் மாநகர சபையால் இத்தீர்மானம் மேற்கொள்ளப்பட்டுள்ளது.
இம் முடிவானது யாழ்ப்பாணம் போக்குவரத்து காவல்துறையினருக்கும் அறிவித்து இதனை மீறுபவர்கள் மீது உடனடியாக சட்ட நடவடிக்கை எடுக்குமாறு அறிவுறுத்தப்பட்டுள்ளது.
குறித்த பேருந்துகள் வைத்திய சாலை வீதியை பயன்படுத்துவது தடை செய்யப்படும் பட்சத்தில் யாழ் நகரின் போக்குவரத்து நெரிசல் பெருமளவில் குறைவடையும். எனவே அனைவரினதும் ஒத்துழைப்பை இது தொடர்பில் வேண்டி நிற்பதாக அதில் மேலும் குறிப்பிடப்பட்டுள்ளது. #பேருந்துகள் #வைத்தியசாலை_வீதி #தடை #மணிவண்ணன்
