மும்பை வான்கடே மைதானத்தில் நேற்று நடைபெற்ற ஐபிஎல் தொடரின் 8ஆவது லீக் போட்டியில் பஞ்சாப் கிங்ஸ் அணியினை சென்னை சூப்பர் கிங்ஸ் அணி விக்கெட்டுகள் வித்தியாசத்தில் வென்றுள்ளது.
நாணயச்சுழற்சியில் வென்ற சென்னை சூப்பர் கிங்ஸ் அணி களத்தடுப்பினை தொிவு செய்த நிலையில் முதலாவதாக துடுப்பெடுத்தாடிய பஞ்சாப் கிங்ஸ் அணி கடைசி ஓவரில் அனைத்து விக்கெட்டுக்களையும் இழந்த நிலையில் 106 ஓட்டங்களையே எடுத்தது.
இதைத் தொடர்ந்து 107 ஓட்டங்கள் என்ற வெற்றி இலக்குடன் களமிறங்கிய சென்னை அணி 15.4 ஓவர்களில் நிர்ணயிக்கப்பட்ட 107 ஓட்டங்களை எடுத்து ஆறு விக்கெட்டுகள் வித்தியாசத்தில் வெற்றி பெற்றது. இதன் மூலம் நடப்பாண்டு ஐபிஏல் போட்டியில் சென்னை அணி தனது முதல் வெற்றியைப் பதிவு செய்தது.
இன்று இரவு சென்னையில் நடக்கும் 9ஆவது லீக் போட்டியில் மும்பை இந்தியன்ஸ் அணியும் சன் ரைசர்ஸ் ஹைதராபாத் அணியும் போட்டியிடவுள்ளமை குறிப்பிடத்தக்கது
