யாழில் துவிச்சக்கர வண்டி திருட்டில் ஈடுபட்டு வந்த சந்தேக நபர் ஒருவர் கைது செய்யப்பட்டுள்ளதுடன் , திருடப்பட்டதாக சந்தேகிக்கப்படும் 14 துவிச்சக்கர வண்டிகள் அவரது வீட்டில் இருந்து மீட்கப்பட்டுள்ளது. யாழ்ப்பாணம் குருநகர் பகுதியை சேர்ந்த 23 வயதுடைய இளைஞனே கைது செய்யப்பட்டுள்ளார்.
குறித்த நபருக்கு எதிராக நீதிமன்ற பிடியாணை உள்ள நிலையில் அவர் தொடர்பில் விசாரணைகளை முன்னெடுத்து கைது செய்ய காவல்துறையினா் முன்னெடுத்த நடவடிக்கையின் போதே சந்தேக நபர் கைது செய்யப்பட்டதுடன் , துவிச்சக்கர வண்டிகளும் மீட்கப்பட்டுள்ளது.
மீட்கப்பட்ட துவிச்சக்கர வண்டிகளின் பெறுமதி சுமார் ஒரு இலட்சத்து 80ஆயிரம் ரூபாய் என தெரிவித்தகாவல்துறையினா் சந்தேக நபரை தடுத்து வைத்து தொடர் விசாரணைகளை முன்னெடுத்து வருவதாக தெரிவித்தனர்.
