Home இலங்கை ஆவாக்கள் நால்வர், போதைப் பொருளுடன் கைது!

ஆவாக்கள் நால்வர், போதைப் பொருளுடன் கைது!

by admin

ஆவா குழுவை சேர்ந்த நால்வர் போதைப்பொருளுடனும் , வாளுடனும் கைது செய்யப்பட்டுள்ளதோடு அவர்கள் பயணித்த காரையும் தாம் பறிமுதல் செய்துள்ளதாக, யாழ்ப்பாண காவற்துறையினர் தெரிவித்துள்ளனர்.

ஆவா குழுவின் முக்கிய உறுப்பினர்களில் ஒருவர் என காவற்துறையினரால் அடையாளப்படுத்தப்பட்டுள்ள நல்லூர் அரசடி பகுதியை சேர்ந்த முத்து என்பவர் போதைப்பொருள் கடத்தலில் ஈடுபட்டு வருவதாக காவற்துறையின் புலனாய்வு பிரிவினருக்கு தகவல் கிடைத்துள்ளது.

அதனடிப்படையில் நேற்று ஞாயிற்றுக்கிழமை மாலை முத்து காரில் தனது நண்பர்களுடன் போதைப்பொருள் கடத்தலில் ஈடுபட்டுள்ளார் எனும் தகவல் கிடைத்ததை அடுத்து , காவற்துறையின் புலனாய்வு பிரிவினர் அவர்களின் காரை பின் தொடர்ந்து பரமேஸ்வர சந்திக்கு அருகில் வழிமறித்து சோதனையிட்டுள்ளனர்.

அதன் போது காருக்குள் இருந்து 3கிராம் ஹெரோயின் போதைப்பொருளும், வாள் ஒன்றும் மீட்கப்பட்டுள்ளன. அதனை அடுத்து காரில் இருந்த முத்து உள்ளிட்ட நால்வரையும் காவற்துறையினர் கைது செய்துள்ளனர்.

கைது செய்யப்பட்டவர்கள் யாழ்ப்பாண காவல் நிலையத்தில் தடுத்து வைக்கப்பட்டு விசாரணைக்கு உட்படுத்தப்பட்டுள்ளனர்.

Spread the love
 
 
      

Related News

Leave a Comment

This site uses Akismet to reduce spam. Learn how your comment data is processed.

This website uses cookies to improve your experience. We'll assume you're ok with this, but you can opt-out if you wish. Accept Read More