மோட்டார் சைக்கிளில் வைத்தியசாலைக்கு அழைத்து செல்லப்பட்ட பெண் தவறி விழுந்து உயிரிழந்துள்ளார்.
யாழ்ப்பாணம் பொன்னாலை பாலத்திற்கு அருகில் இன்றைய தினம் வெள்ளிக்கிழமை காலை இடம்பெற்ற குறித்த விபத்தில் காரைநகர் சிவகாமி அம்மன் கோவிலடியை சேர்ந்த 24 வயதுடைய பெண்ணே உயிரிழந்துள்ளார்.
காரைநகரில் இருந்து மூளாய் வைத்திய சாலைக்கு மோட்டார் சைக்கிளில் பின்னால் இருந்து குறித்த பெண் பயணித்துக்கொண்டிருந்த வேளை பொன்னாலை பாலத்தடியில் மோட்டார் சைக்கிளில் இருந்து தவறி விழுந்து சம்பவ இடத்திலையே உயிரிழந்துள்ளார்.
சம்பவம் தொடர்பில் வட்டுக்கோட்டை காவல்துறையினருக்கு தகவல் வழங்கப்பட்டதை அடுத்து , காவல்துறையினர் விசாரணைகளை முன்னெடுத்துள்ளனர்.
