கோப்பாயில் மின்சார திருட்டில் ஈடுபட்ட இருவர் கைது

யாழ்ப்பாணத்தில் திருட்டு தனமாக மின்சாரம் பெற்ற இருவர் கோப்பாய் காவல்துறையினரினால் கைது செய்யப்பட்டுள்ளனர்.  கோப்பாய் காவல்துறைப் பிரிவுக்கு உட்பட்ட பகுதியில் , இலங்கை மின்சார சபையினர் காவல்துறையினரின் உதவியுடன் சோதனை நடவடிக்கையை முன்னெடுத்த நிலையில் , திருட்டு தனமாக மின்சாரத்தினை பெற்று பாவனை செய்த இருவர் கைது செய்யப்பட்டனர்.

கைது செய்யப்பட்ட இருவரையும் காவல் நிலையத்தில் தடுத்து வைத்து விசாரணைகளை முன்னெடுத்த பின்னர் நீதிமன்றில் முற்படுத்த காவல்துறையினர் நடவடிக்கை எடுத்துள்ளனர்.