யாழ்ப்பாணம் காவற்துறைப் பிரிவுக்கு உட்பட்ட பகுதியில், கணவனின் கழுத்தில் கத்தியை வைத்து மனைவியை வன்புணர முயற்சித்த குற்றச்சாட்டில் ஒருவர் கைது செய்யப்பட்டுள்ளார்.
அதேவேளை சம்பவத்துடன் தொடர்புடைய மேலும் இருவரை கைது செய்வதற்கு காவற்துறையினர் தேடி வருகின்றனர்.
சம்பவம் தொடர்பில் தெரியவருவதாவது,
கடந்த சில தினங்களுக்கு முன்னர், இரவு வேளை வீடொன்றினுள் அத்துமீறி கூரிய ஆயுதங்களுடன் நுழைந்த மூவர், வீட்டில் இருந்த கணவனின் கழுத்தில் கத்தியை வைத்து மிரட்டி , மனைவியை வன்புணர முயற்சித்துள்ளனர்.
அதன் போது, அவர்கள் அபய குரல் எழுப்பவே, வீட்டினுள் நுழைந்த மூவரும், அவர்களை தாக்கி விட்டு அங்கிருந்து தப்பி சென்றனர்.
சம்பவம் தொடர்பில் யாழ்ப்பாண காவற்துறை நிலையத்தில் முறைப்பாடு பதிவு செய்யப்பட்டதை அடுத்து, காவற்துறை விசாரணைகளை முன்னெடுத்து வந்த நிலையில் சம்பவத்துடன் தொடர்புடைய குற்றச்சாட்டில் இளைஞன் ஒருவர் கைது செய்யப்பட்டுள்ளார்.
ஏனைய இருவரும் தலைமறைவாகி உள்ள நிலையில் கைது செய்யப்பட்டுள்ள இளைஞனை காவற்துறை நிலையத்தில் தடுத்து வைத்து காவற்துறையினர் விசாரணைகளை முன்னெடுத்துள்ள அதேவேளை, தலைமறைவாகியுள்ள இருவரையும் கைது செய்வதற்கு உரிய நடவடிக்கைகளை முன்னெடுத்துள்ளனர்.
