பதுளை – ஸ்பிரிங்வெளி தோட்ட, நாவலவத்தை 4ஆம் பிரிவில் வசித்து வந்த மாணவன் ஒருவா் காணாமல் போயுள்ளதாக அவரது பெற்றோர் பதுளை காவல்நிலையத்தில் முறைப்பாடு செய்துள்ளனர். 16வயதான விவேகானந்தன் ரகுமான் என்னும் மாணவனே இவ்வாறுகாணாமல் போயுள்ளார்.
பெத்தேகம பகுதியில் உள்ள சகோதர மொழிப் பாடசாலையில் தரம் 11இல் கல்வி கற்று வந்த குறித்த மாணவன் சம்பவ தினமன்று பெத்தேகம புரான மகா விகாரையில் நடைபெற்ற மேலதிக வகுப்பிற்கு செல்வதாக கூறிச் சென்றுள்ள நிலையில் திரும்பி வரவில்லை என முறைப்பாட்டில் தொிவிக்கப்பட்டுள்ளது.
இறுதியாக அவா் சிவப்பு நிற ரீ சேர்ட்டும், நீல நிற, நீள காற்சட்டையும் அணிந்திருந்ததுடன், ஊதா நிறப் புத்தகப் பையை கொண்டு சென்றுள்ளதாகவும் தொிவிக்கப்பட்டுள்ளது. இவர் குறித்த தகவல் அறிந்தோர் 076 0178821, 077 2405245 என்ற தொலைபேசி இலக்கங்களுக்கு அல்லது அருகில் உள்ள காவல்நிலையத்திற்கு தகவல் வழங்குமாறு தந்தை விவேகானந்தன் வேண்டுகோள் விடுத்துள்ளார்.
