ஜனாதிபதியுடன் பேசி முடிவெடுக்கத் தயார் என்கிறார் சம்பந்தர்!

ஜனாதிபதியுடன் இன்று (09.05.23) நடைபெறும் கூட்டத்தில் தாம் பங்கேற்பதாக தமிழ் தேசிய கூட்டமைப்பின் பாராளுமன்றக் குழுத் தலைவர் இரா. சம்பந்தன் அனுப்பி வைத்துள்ள செய்திக் குறிப்பில் தெரிவிக்கப்பட்டுள்ளது.

அந்த செய்திக் குறிப்பில், தமிழ் தேசிய பிரச்சினைக்கான தீர்வு சம்பந்தமாக ஒரு குறிப்பிட்ட கால எல்லைக்குள் ஆக்கபூர்வமாக தாம் அரசாங்கத்தோடு பேசி முடிவெடுக்கத் தயார் எனவும்,

வடக்கும் கிழக்கும் தமிழ் மக்களினதும் தமிழ் பேசும் மக்களினதும் சரித்திரபூர்வமான வாழ்விடங்கள் என்ற அடிப்படை சர்வதேச ரீதியாகவும் நாட்டுக்குள்ளேயும் இந்திய-இலங்கை ஒப்பந்தத்திலும் ஏற்றுக்கொள்ளப்பட்டு ஒரே அலகாக உருவாக்கப்பட்டது. அந்த அடிப்படைக்கு மாறாக எந்த பேச்சு வார்த்தையிலும் ஈடுபட தாம் தயாராக இல்லை எனவும் இரா. சம்பந்தன் குறிப்பிட்டுள்ளார்.