320
யாழ்ப்பாணம் நயினாதீவு பகுதியில் 36 இலட்சம் ரூபாய் பெறுமதியான நகைகள் கொள்ளை அடிக்கப்பட்டுள்ளது.
நயினாதீவு ஐந்தாம் வட்டார பகுதியில் நேற்று முன்தினம் செவ்வாய்க்கிழமை ( 13.06.23) இரவு இரண்டு பெண்கள் வசித்துவரும் வீட்டில் அவர்கள் உறக்கத்தில் இருந்த போது வீட்டுக் கூரையை உடைத்து வீட்டில் இறங்கிய திருடர்கள் கைப்பையில் வைக்கப்பட்டிருந்த 22 பவுண் நகைகளை கொள்ளை அடித்துச் சென்றுள்ளனர்.
காலை வீட்டினுடைய அறையை திறந்து பார்க்கின்ற போது கைப்பை காணாமல் இருந்தமையால் அதிலிருந்து நகைகள் கைப்பையுடன் கொள்ளையடிக்கப்பட்டமை தெரிய வந்தநிலையில் ஊர்காவற்றுறை காவற்துறையினருக்கு தகவல் வழங்கப்பட்டது.
அதனை அடுத்து, ஊர்காவற்றுறை பொலிசார் விசாரணைகளை மேற்கொண்டு வருகின்றனர். அதேவேளை யாழ்ப்பாணம் தடயவியல் பொலிசாரும் சம்பவ இடத்திற்கு சென்று விசாரணைகளை மேற்கொண்டனர்.
Spread the love
