வெள்ளவத்தை குரே மைதானத்தில் கால்பந்து போட்டியில் மோதல் – பலர் காயம்!

வெள்ளவத்தை குரே மைதானத்தில் நேற்று (07.08.23) இடம்பெற்ற கால்பந்து போட்டியின் போது ஏற்பட்ட மோதலில் சிறுவர்கள் உட்பட 10 பேர் காயமடைந்துள்ளனர்.

பொரளையில் உள்ள பாடசாலை ஒன்றிற்கும் மருதானையிலுள்ள பாடசாலையொன்றிற்கும் இடையிலான கால்பந்து போட்டியில், பார்வையாளர் குழுவினருக்கும் மாணவர்களுக்கும் இடையில் மோதல் இடம்பெற்றதாகத் தெரிவிக்கப்படுகிறது.

தாக்குதலில் காயமடைந்தவர்கள் களுபோவில வைத்தியசாலையில் அனுமதிக்கப்பட்டுள்ளனர்.

மோதலில் ஈடுபட்ட வெள்ளவத்தை மற்றும் கிருலப்பனை பிரதேசங்களில் வசிக்கும் 05 பேர் கைது செய்யப்பட்டுள்ளதாக காவற்துறையினர்  தெரிவித்தனர்.