440
ஹெரோயின் போதைப்பொருளுடன் இரு இளைஞர்கள் நேற்றைய தினம் ஞாயிற்றுக்கிழமை கோப்பாய் காவல்துறையினரினால் கைது செய்யப்பட்டுள்ளனர். யாழ்ப்பாணம் செல்வபுரம் பகுதியில் கோப்பாய் காவல்துறையினா் நேற்றைய தினம் விசேட நடவடிக்கை ஒன்றினை முன்னெடுத்தனர்.
அதன் போது அப்பகுதியில் நடமாடிய இளைஞர்களை சோதனையிட்ட போது , 24 வயதுடைய இளைஞன் ஒருவரின் உடைமையில் இருந்து 250 மில்லி கிராம் ஹெரோயினும் , 22 வயதுடைய மற்றுமொரு இளைஞனின் உடைமையில் இருந்து 150 மில்லி கிராம் ஹெரோயினும் மீட்கப்பட்டுள்ளது.
அதனை அடுத்து இருவரையும் கைது செய்த காவல்துறையினர் அவர்களை காவல் நிலையத்தில் தடுத்து வைத்து விசாரணைகளை முன்னெடுத்துள்ளனர்.
Spread the love
