மவ்பிம ஜனதா கட்சியில் இருந்து, சரத் அமுனுகம விலகினார்!

விமல் வீரவன்ச, உதய கம்மன்பில, வாசுதேவ நாணயக்கார ஆகியோரின் கட்சிகள் உள்ளிட்ட மேலும் சில தரப்பினருடன் நேற்று (27.05.24) கூட்டணி அமைத்துக்கொண்ட திலித் ஜயவீரவின் மவ்பிம ஜனதா கட்சியின் தவிசாளர் கலாநிதி சரத் அமுனுகம, அந்த கட்சியிலிருந்து இன்று இராஜினாமா செய்துள்ளார்.

தாம் கட்சியிலிருந்து இராஜினாமா செய்வதாக மவ்பிம ஜனதா கட்சியின் தலைவர் திலித் ஜயவீரவிற்கு நேற்று அறிவித்ததாக இது தொடர்பில் நாம் வினவியபோது சரத் அமுனுகம தெரிவித்தார்.

எனினும், தமது இராஜினாமாவிற்கான காரணத்தை அவர் தெரிவிக்கவில்லை.

தாம் திலித் ஜயவீரவிற்கு வாழ்த்துத் தெரிவித்து, கட்சியிலிருந்து விலகியதாக கலாநிதி சரத் அமுனுகம கூறினார்.