நட்சத்திர விடுதியில் தோட்டா!

கொழும்பில் உள்ள ஐந்து நட்சத்திர விடுதி ஒன்றின் நுழைவாயிலுக்கு அருகில் உயிருள்ள தோட்டா ஒன்று கண்டுபிடிக்கப்பட்டுள்ளதாக கோட்டை காவற்துறையினர் தெரிவித்துள்ளனர்.

9 மி.மீ ரக துப்பாக்கிகளுக்கு பயன்படுத்தப்படும் தோட்டா ஒன்று கண்டுபிடிக்கப்பட்டுள்ளது.

விடுதி வளாகத்தை சுத்தம் செய்யும் பணியில் ஈடுபட்டிருந்த ஊழியர் ஒருவர் நுழைவாயிலுக்கு அருகில் உள்ள அரலிய மரத்திற்கு அருகில் உள்ள சுவரின் அடிபகுதியை சுத்தம் செய்து கொண்டிருந்த போதே இந்த தோட்டா சிக்கியுள்ளது.

பிரமுகர்கள் ஹோட்டலில் வந்து தங்கியிருந்த நிலையில், பாதுகாப்பு அதிகாரிகள் இருந்த இடத்திலேயே இந்த தோட்டா கிடந்துள்ளது என்பது விசாரணைகளின் ஊடாக கண்டறியப்பட்டுள்ளது என பொலிஸ் உயர் அதிகாரி தெரிவித்தார்.