கொழும்பில் இருந்து யாழ்ப்பாணம் நோக்கி வந்துகொண்டிருந்த அதிசொகுசு பேருந்து விபத்துக்குள்ளானதில் இருவர் படுகாயமடைந்த நிலையில் , வைத்தியசாலையில் அனுமதிக்கப்பட்டுள்ளனர்.
யாழ்ப்பாணம் , மிருசுவில் பகுதியில் இன்றைய தினம் புதன்கிழமை அதிகாலை (18.12.24) குறித்த விபத்து இடம்பெற்றுள்ளது.
கொழும்பில் இருந்து பயணிகளை ஏற்றிக்கொண்டு சென்ற பேருந்து , முன்னால் சென்று கொண்டிருந்த லாண்ட்மாஸ்ரரை மோதி விபத்துக்கு உள்ளதாகவும் , விபத்தில் பேருந்தின் நடத்துனர் , மற்றும் லாண்ட்மாஸ்டர் சாரதி ஆகியோரே காயமடைந்துள்ளனர் எனவும் சம்பவம் தொடர்பில் மேலதிக விசாரணைகளை முன்னெடுத்துள்ளதாகவும் , கொடிகாம காவற்துறையினர் தெரிவித்துள்னர்.
அதேவேளை பேருந்து விபத்துக்கு உள்ளானதால், பேருந்தின் வாயில் பக்கம் முற்றாக சேதமடைந்திருந்தமையால் பேருந்தினுள் இருந்த பயணிகளை சுமார் ஒரு மணி நேர போராட்டத்தின் பின்னரே மீட்டெடுத்ததாக தெரிவிக்கப்படுகிறது.
