156
குவலயம் மீதினில் கொண்டாடும் வாழ்வு
வாவிகள் கடந்து வயல்வெளி திரிந்து
வீதிகள் வளவுகள் எல்லாமும் நிறைத்து
முற்றங்கள் மகிழ வாசல்கள் கடந்து
வீடுகள் எல்லாமும் நிறைந்திடும் மகிழ்வு
தொன்மைத் தமிழரின் தொல்லிசை மொழியாம்
சொர்ணாளி ரீங்காரம் செவிகளில் நிறைக்க
கூடி முழங்கிடும் குதித்தாட வைத்திடும்
ஆதித்தமிழ் லயம் பறையொலி முழக்கம்
எங்கும் நிறைந்திட எதிலும் உறைந்திட
எமதென எமதெனக் கிளர்ந்திடும் மனிதர்
காவியம் படித்தலில் உடுக்கொலி சிலிர்ப்பினில்
அம்மானை சிலம்பின் மணியொலிப் பரவலில்
குலவைகள் போட்டு குதித்து ஆடிடும்
மனிதர்கள் மனத்தை ஆற்றிடும் சடங்கு
குவலயம் மீதினில் மனிதர்கள் வாழ்வை
கொண்டாட்டமாக்கிய முன்னோர்கள் வாழ்க
சி.ஜெயசங்கர்,
09.06.2025
Spread the love
