📉 பிரித்தானியாவில்  ஆபத்திலுள்ள 2,500  போின் வேலைவாய்ப்புகள்  

பிரித்தானியாவின் பிரபல சில்லறை வர்த்தக நிறுவனங்களான Claire’s மற்றும் The Original Factory Shop (TOFS) ஆகியவை நிர்வாகச் சிக்கல்கள் மற்றும் நிதி நெருக்கடி காரணமாக ‘நிர்வாக மேலாண்மைக்குக் கீழ்’ (Administration) கொண்டுவரப்பட்டுள்ளன. இதனால் 2,500-க்கும் மேற்பட்ட ஊழியர்களின் வாழ்வாதாரம் அச்சுறுத்தலுக்கு உள்ளாகியுள்ளது.

பிரித்தானி பிரதான வீதிகளில் (High Streets) பல தசாப்தங்களாக இயங்கி வந்த இரண்டு பெரிய பிராண்டுகள் ஒரே நேரத்தில் வீழ்ச்சியைச் சந்தித்துள்ளன.

ஆபரண விற்பனை நிலையமான Claire’s மற்றும் தள்ளுபடி விற்பனை நிலையமான The Original Factory Shop ஆகியனவே இவ்வாறு ஒரே நேரத்தில் வீழ்ச்சியைச் சந்தித்துள்ளன. இரண்டு நிறுவனங்களும் தலா சுமார் 300 கிளைகளைக் கொண்டுள்ளன.

நிர்வாகப் பணிகள் சீரமைக்கப்படும் வரை அல்லது புதிய முதலீட்டாளர்கள் கிடைக்கும் வரை, அங்கு பணியாற்றும் 2,500-க்கும் மேற்பட்ட ஊழியர்களின் எதிர்காலம் நிச்சயமற்றதாகியுள்ளது.

1997 ஆம் ஆண்டு பிரித்தானியாவுக்கு வந்த Claire’s நிறுவனம், இளம் பெண்களிடையே ஆபரணங்கள் மற்றும் ‘இயர் பியர்சிங்’ (Ear Piercing) சேவைகளுக்காகப் பிரபலமானது. இதன் அமெரிக்கத் தாய் நிறுவனம் (Claire’s Holdings LLC) திவாலானதைத் தொடர்ந்து, கடந்த ஆண்டு (2025) பிரித்தானியா மற்றும் அயர்லாந்திலும் இந்நிலை ஏற்பட்டுள்ளது.

குறைந்த விலையில் வீட்டு உபயோகப் பொருட்கள் மற்றும் ஆடைகளை விற்பனை செய்யும் The Original Factory Shop நிறுவனமும் கடுமையான கடன் சுமையால் தற்போது நிர்வாகிகளின் கட்டுப்பாட்டிற்குள் வந்துள்ளது.

இணைய வர்த்தகத்தின் வளர்ச்சி மற்றும் அதிகரித்துள்ள வாடகைச் செலவுகள் காரணமாக, பிரித்தானியாவின் பாரம்பரிய ‘ஹை ஸ்ட்ரீட்’ கடைகள் தொடர்ந்து மூடப்பட்டு வருகின்றன. இந்த இரண்டு நிறுவனங்களின் வீழ்ச்சியும் அதன் ஒரு பகுதியாகவே பார்க்கப்படுகிறது.

Tag Words: #UKEconomy #Claires #RetailCrisis #JobLosses #HighStreet #BusinessNews #TheOriginalFactory Shop #UKJobs #Administration