வேலணை உணவு உற்பத்தி நிலையத்தை நேரில் பார்வையிட்டார் கைத்தொழில் பிரதி அமைச்சர் சத்துரங்க அபேசிங்க!

யாழ்ப்பாண மாவட்டத்திற்கு உத்தியோகபூர்வ விஜயம் மேற்கொண்டுள்ள கைத்தொழில் மற்றும் தொழில்முனைவோர் அபிவிருத்தி பிரதி அமைச்சர் சத்துரங்க அபேசிங்க, வேலணை பகுதியில் அமைந்துள்ள பெறுமதி சேர்க்கப்பட்ட உணவுப் பொருட்கள் உற்பத்தித் தொழிற்சாலையை நேரில் பார்வையிட்டு ஆய்வு செய்தார்.

யாழ்ப்பாண மாவட்ட நாடாளுமன்ற உறுப்பினர் ஜெயச்சந்திரமூர்த்தி ரஜீவனும் இந்த விஜயத்தின் போது பிரதி அமைச்சருடன் இணைந்திருந்தார். வேலணையில் இயங்கி வரும் குறித்த தொழிற்சாலையில் நூடுல்ஸ், அரிசி மற்றும் குரக்கன் உள்ளிட்ட உள்ளூர் தானியங்களைக் கொண்டு பெறுமதி சேர்க்கப்பட்ட பல்வேறு உணவுப் பொருட்கள் உற்பத்தி செய்யப்பட்டு வருகின்றன.

கலந்தரையாடப்பட்ட முக்கிய விடயங்கள்: உற்பத்தி விரிவாக்கம்: தொழிற்சாலையின் தற்போதைய உற்பத்தி முறைகள் மற்றும் திறனை மேலும் அதிகரிப்பதற்கான சாத்தியக்கூறுகள். சவால்களும் தீர்வுகளும்: உற்பத்தியாளர்கள் எதிர்கொள்ளும் நடைமுறைச் சவால்கள் குறித்து விரிவாகக் கேட்டறிந்து, அவற்றுக்கான தீர்வுகள் குறித்து ஆராயப்பட்டது.

சந்தைப்படுத்தல் & வேலைவாய்ப்பு: உள்ளூர் உணவுப் பொருட்களுக்கான சந்தை வாய்ப்புகளை விரிவுபடுத்துதல் மற்றும் அப்பகுதி மக்களுக்கு மேலதிக வேலைவாய்ப்புகளை உருவாக்குவது தொடர்பாகவும் கலந்துரையாடப்பட்டது.

உள்ளூர் உற்பத்திப் பொருளாதாரத்தை வலுப்படுத்துவதற்கும், தொழில்முனைவோரை ஊக்குவிப்பதற்கும் அரசாங்கம் தேவையான முழுமையான ஒத்துழைப்பை வழங்கும் என இதன்போது சுட்டிக்காட்டப்பட்டது.

#Jaffna #Velanai #IndustryLK #SriLanka #ChathurangaAbeysinghe #Rajeevan #NorthernProvince #Entrepreneurship #LocalProducts #NPPDungNga