தென்னிந்திய திரையுலகில் பல வெற்றித் திரைப்படங்களை இயக்கியுள்ள இயக்குனர் இமையம் பாரதிராஜா, நீண்ட காலத்திற்குப் பின்னர் மீண்டும் வில்லனாக நடிக்கவுள்ளார். கல்லுக்குள் ஈரம் என்ற திரைபடத்துக்கு பின்னர் படங்களில் நடிப்பதை தவிர்த்துக் கொண்ட பாரதிராஜாவை ஆயுத எழுத்து படத்தில் வில்லனாக நடிக்கச் செய்தார் இயக்குனர் மணிரத்னம்.
தொடர்ந்து ‘பாண்டிய நாடு’ படத்தில் பயந்த சுபாவம் கொண்ட கதாபாத்திரத்திலும் ‘குரங்கு பொம்மை’ படத்தில் வெகுளியான கதாபாத்திரத்திலும் நடித்து ரசிகர்களைக் கவர்ந்தார். ராம் இயக்கத்தில் வெளியான ‘தரமணி’ படத்தில் ஹீரோவாக அறிமுகமான வசந்த் ரவி நடிக்கும் படத்தில் பாரதிராஜா மீண்டும் வில்லனாக நடிக்கவுள்ளார்.
ராக்கி என பெயரிடப்பட்டுள்ள இந்த படத்தை கதை, திரைக்கதை, வசனம் எழுதி இயக்குகின்றார் அருண் மாதேஸ்வரன். ஸ்ரேயாஸ் கிருஷ்ணா ஒளிப்பதிவு செய்யும் இந்தப் படத்துக்கு, தர்புகா சிவா இசையமைக்கவுள்ளார்.
