“வடக்கு, கிழக்கு பிரச்சினைகள் – இணக்கமான தீர்வுக்கு முயல்வேன்”

வடக்கு, கிழக்கு பிரச்சினைகள் குறித்து ஜனாதிபதி மற்றும் அரசாங்கத்துடன் கலந்துரையாடி இணக்கமான தீர்வை எட்டுவதற்கு முயற்சிப்பதாக மஹிந்த ராஜபக்ஸ, சம்பந்தனுக்கு உறுதியளித்துள்ளார்.

தமிழ்த் தேசியக் கூட்டமைப்பின் தலைவரும் நாடதளுமன்ற உறுப்பினருமான இரா.சம்பந்தனின் இல்லத்துக்குச் சென்ற முன்னாள் ஜனாதிபதி மஹிந்த ராஜபக்ஸ, அவரிடம் நலம் விசாரித்துள்ளார்.

அதன் போது, வடக்கு, கிழக்கில் தமிழர்கள் எதிர்நோக்கும் பிரச்சினைகள் மற்றும் தமிழ்த் தேசியப் பிரச்சினைகளை முன்வைத்த இரா.சம்பந்தன், வடக்கு, கிழக்குப் பிரச்சினைக்கு அரசாங்கம் விரைவில் தீர்வு காண வேண்டும் எனக் கோரியிருந்தமைக்கு பதிலளித்த முன்னாள் ஜனாதிபதி மகிந்த ராஜபக்ஸ இந்த உறுதியை வழங்கியுள்ளார்.