முன்னாள் ஜனாதிபதி மஹிந்த ராஜபக்சவுக்கு ஐ.எஸ்.ஐ.எஸ் பயங்கரவாதிகள் மற்றும் விடுதலைப் புலிகள் குழுக்களிடமிருந்து கொலை மிரட்டல் விடுக்கப்பட்டுள்ளதாக ஸ்ரீலங்கா பொதுஜன பெரமுன (SLPP) சட்டத்தரணிகள் சங்கத்தின் உப தலைவர் மனோஜ் கமகே தெரிவித்துள்ளார்.
ராஜபக்சவின் பாதுகாப்பு பிரிவிலிருந்து இராணுவத்தினர் திரும்பப் பெறப்பட்டதைத் தொடர்ந்து இப் பாதுகாப்பு கரிசனங்கள் பற்றி அவர் ஊடகங்களுக்கு தெரிவித்தார்.
எஞ்சியுள்ள ஆயுதமேந்திய இராணுவத்தினருக்கு பதிலாக முன்னாள் ஜனாதிபதியின் பாதுகாப்பிற்காக காவற்துறை அதிகாரிகளை நியமிக்கும் பொது பாதுகாப்பு அமைச்சின் தீர்மானத்தை கமகே விமர்சித்தார், அச்சுறுத்தல்களின் தீவிரத்தை கருத்தில் கொண்டு இது போதுமானதாக இல்லை என்று கூறினார்.
இந்த நெருக்கடியான அச்சுறுத்தல்களுக்கு மத்தியில் அனுபவம் வாய்ந்த இராணுவ வீரர்களுக்குப் பதிலாக காவற்துறை அதிகாரிகளை மாற்றுவது முன்னாள் ஜனாதிபதியின் பாதுகாப்பை விட்டுக்கொடுப்பதாக அவர் மேலும் கவலை தெரிவித்தார்.
