லிவர்பூல் கிரவுன் நீதிமன்றத்தில் (Liverpool Crown Court) நேற்று உணர்ச்சிகரமான ஒரு தீர்ப்பு வழங்கப்பட்டது. 36 வயதான தந்தை ரிக்கி பெர்ரி (Rikki Berry), அவரது காதலியின் வீட்டின் முன்னால் சுட்டுக் கொல்லப்பட்ட வழக்கில், 25 வயதுடைய வால்ஷ்-வெஸ்ட்ஹெட் (Ryan Walsh-Westhead) என்பவருக்கு ஆயுட்காலச் சிறைத்தண்டனை விதிக்கப்பட்டது. கடந்த 2024 ஜூலை 17 அன்று கிர்க்பி (Kirkby) பகுதியில் உள்ள குவாரிசைடு டிரைவில் முகமூடி அணிந்த நபர் ஒருவரால் ரிக்கி பெர்ரி மூன்று முறை சுட்டுக் கொல்லப்பட்டார்.
துப்பாக்கிச் சூடு நடந்த சில நிமிடங்களிலேயே, ஒரு வீட்டின் வாசலில் உள்ள கமராவில் (Ring doorbell camera) குற்றவாளி “அந்த முட்டாள் செத்துவிட்டான்” (the f***ing idiot’s dead) என்று கூறியது பதிவாகியிருந்தது. இதுவே அவருக்கு எதிரான வலுவான ஆதாரமாக அமைந்தது.
கொலையாளி மின்சார பைக்கில் வந்தபோது, அவருக்குப் பாதுகாப்பாக கருப்பு நிற ‘Seat Ateca Cupra’ கார் ஒன்றில் வால்ஷ்-வெஸ்ட்ஹெட் உள்ளிட்ட மூவர் பின் தொடர்ந்தது விசாரணையில் உறுதியானது. இரண்டு வார கால விசாரணைக்குப் பிறகு, நீதிபதி வால்ஷ்-வெஸ்ட்ஹெட்டிற்கு ஆயுட்காலச் சிறைத்தண்டனை விதித்தார். அவர் குறைந்தது 28 ஆண்டுகள் சிறையில் கழிக்க வேண்டும் என உத்தரவிடப்பட்டது.
நீதிபதி தீர்ப்பை அறிவித்து, காவல்துறையினர் குற்றவாளியைச் சிறைக்கு அழைத்துச் சென்றபோது, நீதிமன்ற அறையில் இருந்த ரிக்கி பெர்ரியின் உறவினர்கள் மிகுந்த ஆத்திரமடைந்தனர். அவர்கள் குற்றவாளியைப் பார்த்து, “fing little scruff”* (அழுக்கு பிடித்தவன்) என்றும் “rat” (எலி/துரோகி) என்றும் உரத்த குரலில் கத்தினர். ஒரு தந்தையை அநியாயமாகக் கொன்றவன் மீதான தங்களின் வெறுப்பை அவர்கள் இவ்வாறு வெளிப்படுத்தினர்.
இந்தக் கொலையில் ரையன் வால்ஷ்-வெஸ்ட்ஹெட் (Ryan Walsh-Westhead) உடன் இணைந்து கருப்பு நிற காரில் வந்த ஏனைய இருவர் தொடர்பிலும் நீதிமன்றம் கவனம் செலுத்தியுள்ளது. கொலையாளிக்கு மின்சார பைக்கில் வழிகாட்டியாகவும், பாதுகாப்பாகவும் வந்த அந்த காரில் இருந்த மற்ற இருவர் மீதும் ‘கொலைக்கு உடந்தையாக இருந்தமை’ மற்றும் ‘நீதியைத் திசைதிருப்பியமை’ ஆகிய குற்றச்சாட்டுகளின் கீழ் விசாரணைகள் தொடர்கின்றன.
துப்பாக்கிச் சூட்டிற்குப் பிறகு மின்சார பைக்கை மறைக்க உதவியவர்கள் மற்றும் தப்பியோடத் திட்டமிட்டுக் கொடுத்தவர்கள் குறித்தும் காவல்துறையினர் மேலதிகத் தகவல்களைத் திரட்டி வருகின்றனர்.நீதிமன்றத்தில் ரிக்கி பெர்ரியின் குடும்பத்தினர் வழங்கிய ‘பாதிப்பு அறிக்கை’ (Victim Impact Statement) அங்கிருந்த அனைவரையும் கண்கலங்க வைத்தது.
“ரிக்கி ஒரு அன்பான தந்தை. தனது குழந்தைகளின் எதிர்காலத்திற்காகவே அவர் வாழ்ந்தார். ஒரு முட்டாள்தனமான கோபத்தால் எங்கள் பிள்ளைகளின் தந்தையை எங்களிடமிருந்து பறித்துவிட்டார்கள். ஒவ்வொரு முறை எங்கள் வீட்டு வாசலில் உள்ள கமராவைப் பார்க்கும்போதும், அந்தக் கொலையாளி ‘அவன் செத்துவிட்டான்’ என்று சொன்ன அந்த வார்த்தைகள் எங்கள் காதுகளில் ஒலித்துக்கொண்டே இருக்கும்.”
அவரது குழந்தைகள் இன்றும் “தந்தை எப்போது வருவார்?” என்று கேட்பது தங்களுக்கு ஆறாத வடுவாக இருப்பதாக அவர்கள் கண்ணீருடன் தெரிவித்தனர்.
தண்டனையை வழங்கிய நீதிபதி, லிவர்பூல் பகுதிகளில் அதிகரித்து வரும் ‘மின்சார பைக்’ (E-bike) மூலமான குற்றச் செயல்கள் மற்றும் துப்பாக்கி கலாச்சாரம் குறித்து கடும் கவலை வெளியிட்டார். இத்தகைய கொடூரமான குற்றங்களுக்கு மிகக் கடுமையான தண்டனைகளே தீர்வாகும் என்று அவர் வலியுறுத்தினார்.
Tag Words:
#RikkiBerry #JusticeForNuggy #LiverpoolCrownCourt #KirkbyShooting #LifeSentence #UKCrimeNews #RyanWalshWesthead #LKA
