இலங்கை பிரதான செய்திகள்

நீதிமன்றில் இருந்து தப்பியோடிய சந்தேகநபர் ஆறு மாதங்களின் பின் கைது….

குளோபல் தமிழ்ச் செய்தியாளர்…
யாழ்ப்பாணம் நீதிமன்றில் சிறைச்சாலை உத்தியோகத்தர்களின் பிடியிலிருந்து தப்பித்த பல குற்றச்செயல்களுடன் தொடர்புடைய சந்தேகநபர் சுமார் 6 மாதங்களின் பின்னர் வவுனியாவில் வைத்துக் கைது செய்யப்பட்டார்.
சந்தேகநபர் சிறைச்சாலை உத்தியோகத்தர்களால் யாழ்ப்பாணம் நீதிவான் நீதிமன்றில் நேற்றைய தினம் திங்கட்கிழமை  முற்படுத்தப்பட்டார். சந்தேகநபர் சிறைச்சாலை காவலிலிருந்து தப்பித்த குற்றத்துக்கான தண்டைத் தீர்ப்பு நாளை புதன்கிழமை வழங்கப்படும் எனக் குறிப்பிட்ட நீதிவான், அன்றுவரை அவரை விளக்கமறியலில் வைக்குமாறு உத்தரவிட்டார்.
யாழ்ப்பாணம் காவற்துறைப் பிரிவு, ஊர்காவற்றுறை உள்ளிட்ட பல பகுதிகளில் இடம்பெற்ற கொள்ளைச் சம்பவங்களுடன் தொடர்புடைய சந்தேகநபர் யாழ்ப்பாணம் நீதிவான் நீதிமன்றில் கடந்த வருடம் ஓகஸ்ட் 10ஆம் திகதி முற்படுத்தப்பட்டார்.
சந்தேகநபரின் விளக்கமறியலை நீடித்து நீதிமன்றம் உத்தரவிட்டதும் அவர், சிறைச்சாலை உத்தியோகத்தர்களின் பிடியிலிருந்து நழுவி நீதிமன்றிலிருந்து தப்பிச் சென்றார்.
சிறைச்சாலை உத்தியோகத்தர்கள் துரத்திச் சென்றபோதும் சந்தேகநபர் தப்பி ஓடிவிட்டார்.சந்தேகநபரைத் தேடி காவற்துறை வலை வீசியிருந்ததுடன், அவரைப் பிடிக்க பொது மக்களிடமும் உதவி கோரியிருந்தனர்.
மேலும் சந்தேகநபரின் மனைவி யாழ்ப்பாணம் நீதிவான் நீதிமன்றால் பிணையில் விடுவிக்கப்பட்டிருந்தார். அவரும் மன்றில் முற்படாததால் பிடியாணை பிறப்பிக்கப்பட்டிருந்தது.
இந்த நிலையில் கடந்த வாரம் வவுனியா காவற்துறையினரால் சந்தேகநபர் கைது செய்யப்பட்டார். எனினும் அவரது மனைவி தலைமறைவாகி உள்ளார்.
“நீதிமன்றிலிருந்து சந்தேகநபர் தப்பித்தவேளை, அவரது மனைவி நீதிமன்ற வாயலில் மோட்டார் சைக்கிளில் தயார் நிலையில் இருந்துள்ளார். சந்தேகநபர் சிறைக்காவலர்களிடமிருந்து நழுவி மனைவியின் மோட்டார் சைக்கிளில் ஏறித் தப்பித்துள்ளார்” என்று காவற்துறையினர் நீதிமன்றுக்கு அறிவித்தனர். என்பது குறிப்பிடத்தக்கது.

Add Comment

Click here to post a comment

Leave a Reply

This site uses Akismet to reduce spam. Learn how your comment data is processed.