இலங்கை பிரதான செய்திகள்

குளிர்மைக்காகவே ஆசிரியர் மது அருந்தினார் :


குளோபல் தமிழ்ச் செய்தியாளர்

‘வெப்பம் அதிகமாக உள்ளதால் குளிர்மைக்காக ஆசிரியர் மது அருந்தினார். ஆனால் அவர் முடாக் குடிகாரர் இல்லை’ என யாழ். நீதிவான் நீதிமன்றில் மது போதையில் வாகனம் செலுத்திய குற்ற சாட்டில் முற்படுத்தப்பட்ட ஆசிரியர் சார்பில் மன்றில் முன்னிலையான மூத்த சட்டத்தரணி மன்றிடம் உரைத்தார்.

கோப்பாய் காவல்துறைப் பிரிவில் வீதிப் போக்குவரத்து கண்காணிப்பில் ஈடுபட்டிருந்த காவல்துறையினரால் ஆசிரியர் ஒருவர் மதுபோதையில் வாகனம் செலுத்திய குற்றச்சாட்டில் கைது செய்து செய்யப்பட்டார். காவல்துறை பிணையில் விடுவிக்கப்பட்டிருந்த அவர், இன்று யாழ்ப்பாணம் நீதிவான் நீதிமன்றில் முற்படுத்தப்பட்டார்.

இதன் போதே மூத்த சட்டத்தரணி இந்த விடயத்தை மன்றில் தெரிவித்தார்.

‘ஆசிரியர் குற்றத்தை ஏற்றுக்கொள்கிறார். அவர் தீவகத்தில் பணியாற்றுகிறார். அன்றைய தினம் அதிக வெப்பநிலை காரணமாக குளிர்மைக்கு மது அருந்துவிட்டார். ஆனால் அவர் தினமும் மதுப்பழக்கமுள்ள குடிகாரர் இல்லை’ என மூத்த சட்டத்தரணி மன்றில் தெரிவித்தார்.

ஆசிரியர் குற்றத்தை ஒப்புக்கொண்டதன் அடிப்படையில், அவருக்கு 7 ஆயிரத்து 500 ரூபா தண்டம் விதித்ததுடன் ஆயிரத்து 500 ரூபா அரச செலவும் அறவிடுமாறும் மன்று உத்தரவிட்டது. அத்துடன், ஆசிரியரின் சாரதி அனுமதிப் பத்திரத்தை 9 மாதங்களுக்கு தடுத்துவைக்குமாறு நீதிமன்ற காவல்துறையினருக்கு மன்று கட்டளையிட்டது.

Add Comment

Click here to post a comment

Your email address will not be published. Required fields are marked *

This site uses Akismet to reduce spam. Learn how your comment data is processed.

Share via
Copy link
Powered by Social Snap