இலங்கை பிரதான செய்திகள்

39 நாடுகளுக்கான விசா வழங்கும் விசேட திட்டம் இடைநிறுத்தம்


பாதுகாப்புக் காரணங்களைக் கருத்திற்கொண்டு எதிர்வரும் மே மாதம் முதலாம் திகதியிலிருந்து அமுல்படுத்தப்படவிருந்த விசா வழங்கும் விசேட திட்டம் தற்காலிகமாக நிறுத்தி வைக்கப்பட்டுள்ளதாக சுற்றுலாத்துறை, வனஜீவராசிகள் மற்றும் கிறிஸ்தவ விவகாரங்கள் அமைச்சர் ஜோன் அமரதுங்க தெரிவித்துள்ளார்.

நாட்டின் சுற்றுலாத்துறையை ஊக்குவிக்கும் நோக்கில் தெரிவு செய்யப்பட்ட 39 நாடுகளின் பிரஜைகளுக்கு எதிர்வரும் மே மாதம் முதலாம் திகதியிலிருந்து இலங்கைக்கு வருகை தருவதற்கான விசா வழங்கும் விசேட திட்டத்திற்கு அமைச்சரவையின் அனுமதி பெறப்பட்டிருந்தது.

எனினும் உயிர்த்த ஞாயிறு தினத்தன்று நாட்டில் இடம்பெற்ற தொடர் குண்டுத்தாக்குதல்களை அடுத்து, பாதுகாப்புக் காரணிகளைக் கருத்திற்கொண்டு மறுஅறிவித்தல் வரை இத்திட்டத்தை நிறுத்தி வைப்பதற்குத் தீர்மானிக்கப்பட்டுள்ளதாக அறிவிக்கப்பட்டுள்ளது

39 நாடுகளைச் சேர்ந்த பிரஜைகளுக்கு இலங்கைக்கான விசா வழங்கும் ஏற்பாடுகள் ஏற்கனவே நடைபெற்று வருகின்ற இவ்வாறு தற்காலிகமாக நிறுத்திவைக்கத் தீர்மானிக்கப்பட்டுள்ளதாக தெரிவிக்கப்பட்டுள்ளது.
தொடர் குண்டுத்தாக்குதல் சம்பவங்கள் குறித்து காணப்படும் வெளிநாட்டுத் தொடர்புகள் குறித்து விசாரணைகள் முன்னெடுக்கப்பட்டு வருகின்ற நிலையில், இந்த விசா வழங்கும் திட்டத்தினால் விசாரணைகளின் பாதிப்பு ஏற்படக்கூடாது என்பதனாலேயே இத்தகைய தீர்மானம் மேற்கொள்ளப்பட்டுள்ளதாக அமைச்சர் ஜோன் அமரதுங்க தெரிவித்துள்ளார்.

 

# visa #39 countries   #eastersundayLK  #srilanka # #stop

Spread the love
  •   
  •   
  •   
  •   
  •  
  •  
  •  
  •  

Add Comment

Click here to post a comment

Leave a Reply

This site uses Akismet to reduce spam. Learn how your comment data is processed.