சினிமா பிரதான செய்திகள்

கரகாட்டக்காரன் 2 படத்தில் நடிக்கப்போவது யார்?


ராமராஜன், கனகா நடிப்பில் வெளியாகி மாபெரும் வெற்றி பெற்ற கரகாட்டக்காரன் திரைப்படத்தின் இரண்டாம் பாகத்தை எடுப்பது குறித்து இயக்குநர் கங்கை அமரன் கலந்துரையாடல்களில் ஈடுபட்டு வருகிறார்.  கங்கை அமரன் இயக்கத்தில் ராமராஜன், கனகா, கவுண்டமணி, செந்தில், கோவை சரளா உள்ளிட்ட பலரது நடிப்பில் 1989இல் வெளியான கரகாட்டக்காரன் படம் திரைக்கு வந்து பெரும் சாதனையை நிகழ்த்தியது.

படத்தில் இடம்பெற்ற கவுண்டமணி, செந்தில், கோவை சரளா ஆகிய 3 பேரின் நகைச்சுவை காட்சிகள் அனைத்து தரப்பு ரசிகர்களாலும் கொண்டாடப்பட்டது. அதிலும் வாழைப்பழ நகைச்சுவை, அந்த கேள்விய ஏன்டா என்கிட்ட கேட்ட உள்ளிட்ட நகைச்சுவைகள் ரசிகர்களை குலுங்க குலுங்க சிரிக்க வைத்தது. பாடல்களுக்கும் நல்ல வரவேற்பு கிடைத்தது.

இந்த நிலையில், படம் வெளியாகி 30 ஆண்டுகள் கடந்துள்ள நிலையில், இதன் இரண்டாம் பாகத்தை உருவாக்குவது குறித்த பேச்சுவார்த்தைகள் இடம்பெற்று வருகின்றன. இதுகுறித்து கங்கை அமரன் கூறும்போது,

 
“கரகாட்டக்காரன் 2-ம் பாகம் எடுப்பது குறித்து ராமராஜன் மற்றும் படத்தில் நடித்த நடிகர், நடிகைகளிடம் பேசி வருகிறோம். இப்போதைய நடிகர்களில் யாரை நடிக்க வைக்கலாம் என்ற ஆலோசனையும் நடக்கிறது. இதற்கான அதிகாரப்பூர்வ அறிவிப்பு விரைவில் வெளியாகும்” என்றார்.
#கரகாட்டக்காரன் 2  #ராமராஜன் #கனகா #கவுண்டமணி  #செந்தில்

Add Comment

Click here to post a comment

Leave a Reply

This site uses Akismet to reduce spam. Learn how your comment data is processed.