இலங்கை பிரதான செய்திகள்

சுண்டிக்குளம் பகுதியில் 115 கிலோ கேரள கஞ்சா மீட்பு


சுண்டிக்குளம் பகுதியில் 115 கிலோ கேரள கஞ்சா காவல்துறையினரால் கைப்பற்றப்பட்டுள்ளது. கிளிநொச்சி உதவிக் காவல்துறை அத்தியட்சகர் ஜெயந்த ரத்னாயக்கவுக்கு கிடைத்த ரகசிய தகவலுக்கு அமைவாக கிளிநொச்சி மாவட்ட சட்டவிரோத செயற்பாடுகள் ஒழிப்பு பிரிவு பொறுப்பதிகாரி சத்துரங்க தலைமையிலான குழுவினர் மற்றும் கல்லாறு இளைஞர்களின் உதவியுடன் குறித்த பகுதியை சுற்றிவளைத்து தேடுதல் செய்த பொழுது இவ்வாறு மீட்கப்பட்டுள்ளது.

இதன்போது சுட்டிக்குளம் சாலை பகுதியில் சூட்சுமமாக வாகனம் ஒன்றில் கடத்தப்பட்ட சுமார் நூற்றி பத்தினைந்து கிலோ கிராம் கேரள கஞ்சாவினை மீட்டதுடன் வாகன சாரதி உட்ப்பட மூன்று சந்தேக நபர்களையும் கைது செய்துள்ளனர். குறித்த சம்பவம் இன்று காலை ஒன்பது மணியளவில் இடம்பெற்றுள்ளது கடல்வழியாக கொண்டு வரப்பட்ட கஞ்சா பின்னர் சுண்டிக்குளம் கடற்கரையில் இறக்கப்பட்டு சாலை ஊடாக வாகனத்தில் கடத்தப்பட்ட போதே இவ்வாறு கைப்பற்றப்பட்டுள்ளது. குறித்த தேடுதல் பணிக்காக காவல்துறை குற்றத் தடகவியல் காவல்துறையினரின் மோப்ப நாயும் பயன்படுத்தப்பட்டுள்ளது

குறித்த சம்பவம் தொடர்பான மேலதிக விசாரணைகளை தர்மபுரம் மற்றும் கிளிநொச்சிக் காவல்துறையினர் இணைத்து மேற்கொண்டு வருகின்றனர்

#சுண்டிக்குளம்  #கேரள கஞ்சா #மீட்பு  #கிளிநொச்சி

 

Add Comment

Click here to post a comment

Your email address will not be published. Required fields are marked *

This site uses Akismet to reduce spam. Learn how your comment data is processed.