காஷ்மீரின் பந்திபோரா, கந்தர்பால் பகுதியில் ஏற்பட்ட பனிச்சரிவில் சிக்கி இராணுவ அதிகாரி ஒருவர் உள்ளிட்ட 5 பேர் பலியாகியுள்ளதாக இந்திய ஊடகங்கள் செய்தி வெளியிட்டுள்ளன.
இதுகுறித்து ராணுவ செய்தி தொடர்பாளர் குறிப்பிடுகையில் கந்தர்பால் மாவட்டத்திலுள்ள சோனாமார்க் பகுதியில் இன்றைய தினம், பனிச்சரிவில் சிக்கி இராணுவ அதிகாரி ஒருவர் உயிரிழந்ததாக கூறினார்.
சோனாமார்க்கிலுள்ள இராணுவ முகாமில் 5 அடி உயரமுள்ள பெரிய பனிப் பாறைகள் சரிந்து விழுந்துள்ள நிலையில் அதில் அந்த இராணுவ முகாம் புதையுண்டதாகவும் தெரிவிக்கப்பட்டுள்ளது.
இதேபோல், பந்திபோரா மாவட்டத்தில் பனிச்சரிவில் சிக்கி பொதுமக்கள் 4 பேர் பலியாகியுள்ளதாக தெரிவிக்கப்படுகிறது. பந்திபோரா மாவட்ட ஆட்சியர் குறிப்பிடுகையில் செவ்வாய்க்கிழமை இரவு ஏற்பட்ட பனிச்சரிவில் சிக்கி பொதுமக்கள் 4 பேர் பலியாகியுள்ளதாக தெரிவித்தார்.
காஷ்மீரின் பந்திபோரா பகுதியில் செவ்வாய்க்கிழமை முதல் கடுமையான பனிபொழிவு நிலவுகிறது. இதனால் வடக்கு மாற்று தெற்கு காஷ்மீரில் பாதுகாப்பாக இருக்கும்படி எச்சரிக்கை விடுக்கப்பட்டுள்ளமை குறிப்பிடத்தக்கது.
