குளோபல் தமிழ்ச் செய்தியாளர்
பிரிட்டிஸ் சிங்கம் கர்ஜிப்பதற்கான தருணம் இதுவென பிரித்தானிய வெளிவிவகார அமைச்சர் பொறிஸ் ஜோன்சன் தெரிவித்துள்ளார். கொன்சவேர்ட்டிவ் கட்சியின் மாநாட்டில் உரையாற்றுகையிலேயே அவர் இந்த கருத்தை வெளியிட்டுள்ளார்.
ஐரோப்பிய ஓன்றியத்திலிருந்து பிரித்தானியா வெளியேறுவது தேசிய எழுச்சிக்கான தருணம் என அவர் குறிப்பிட்டுள்ளார். ஐரோப்பா குறித்த விவகாரத்தில் உறுதியான தலைமையை வழங்குவதற்காக பிரதமர் தெரேசா மேயை அவர் பாராட்டியுள்ளார்.
ஐரோப்பிய ஓன்றியத்திலிருந்து வெளியேறும் விடயத்தில் முழு அமைச்சரவையும் பிரதமரிற்கு ஆதரவாக உள்ளது என்றும் அவர் குறி;ப்பிட்டுள்ளார்.
சமீபத்தில் இத்தாலியில் பிரதமர் ஆற்றிய உரையின் ஓவ்வொரு வரியையும் தாங்கள் ஏற்றுக்கொண்டுள்ளோம் எனவும் ஐரோப்பிய ஓன்றியத்திலிருந்து வெளியேறிய பின்னரே பிரித்தானியாவின் சிறந்த நாட்கள் வரப்போகின்றன என்றும் அவர் குறிப்பிட்டுள்ளார். நாங்கள் பிரித்தானியாவினையும் அதன் மக்களின் ஆற்றலை நம்புகின்றோம் எனவும் அவர் தெரிவித்துள்ளார்.
