அதிரடிப்படையின் பாதுகாப்பு இல்லாமல் விவாதத்திற்கு சுமந்திரன் தயார் எனில் நாமும் தயார் – சட்டத்தரணி சுகாஸ் சவால்

நான் சார்ந்த இனத்திற்கு எனது இனத்திற்கு உரிமை கிடைக்கும் வரை தீர்வு கிடைக்கும் வரை என்னை இலங்கையனாக அடையாளப்படுத்துவதை விட தமிழனாக அடையாளப்படுத்தவே விரும்புகிறேன். இலங்கையனாக அடையாள படுத்தினால் எமக்கு கிடைக்க வேண்டிய உரிமைகள் கிடைக்காமல் போய் விடுமோ எனும் அச்சம் எனக்குள் இருக்கின்றது. அது என்னுடைய தனிப்பட்ட விடயம். இதுவரையில் இலங்கையின் தேசிய கொடியை ஏற்றியது கிடையாது. ஏனெனில் இந்த நிமிடம் வரை எனது இனத்திற்கான உரிமைகள் கிடைக்க பெறவில்லை. கடத்தப்பட்டவன் காணாமல் ஆக்கப்பட்டவனுக்கு தீர்வு கிடைத்த பின்னர் அரசியல் கைதிகள் விடுவிக்கப்பட்ட பின்னர் வடக்கு கிழக்கு இணைக்கப்பட்ட பின்னர் குறைந்த பட்சம் எமக்கு சமஸ்டி தீர்வு கிடைத்த பின்னர் நாங்கள் சந்தோசமாக தேசிய கொடியை ஏற்றுவோம்.