Home இலங்கை கிளிநொச்சியில் 68 சமூர்த்தி வெற்றிடங்களுக்கு ஜந்து பேரே நியமனம்:-

கிளிநொச்சியில் 68 சமூர்த்தி வெற்றிடங்களுக்கு ஜந்து பேரே நியமனம்:-

by editortamil

குளோபல் தமிழ்ச் செய்தியாளர்:-

கிளிநொச்சி மாவட்டத்தில் தற்போது 68 சமூர்த்தி வெற்றிடங்கள் காணப்படுகின்ற போதும் ஜந்து பேருக்கே நியமனம் வழங்கப்பட்டுள்ளது.

மாவட்டத்தில் சமூர்த்தி திணைக்களத்தின் கீழ் தற்போது 68 வெற்றிடங்கள் காணப்படுகிறது. ஆனால் கடந்த 15 ஆம் திகதி சுகததாச விளையாட்டரங்கில் வைத்து நாடாளவிய ரீதியில் சமூர்த்தி நியமனங்கள் வழங்கப்பட்டது. இதில் கிளிநொச்சி மாவட்டத்திற்கு ஜந்து நியமனங்களே வழங்கப்பட்டுள்ளன. இதேவேளை யாழ் மாவட்டத்திற்கு 45 பேருக்கும், முல்லைத்தீவு மாவட்டத்திற்கு 42 பேருக்கும், சமூர்த்தி உத்தியோகத்தர் நியமனம் வழங்கப்பட்டுள்ளது.

ஆனால் கிளிநொச்சியில் மாத்திரம் வெற்றிடம் அதிகமாக காணப்படுகின்ற போதிலும் நியமனம் மிகமிக குறைவாக வழங்கப்படுட்டுள்ளது. எனினும் ஏனைய சில மாவட்டங்களில் அந்தந்த மாவட்டங்களில் உள்ள மக்கள் பிரதிநிதிகளின் அழுத்தங்கள் கோரிக்கைகளுக்கு ஏற்ப அதிகளவான புதிய நியமனங்கள் வழங்கப்பட்டுள்ளது.

ஆனால் கிளிநொச்சி மாவட்டத்தில் புதிய சமூர்தி நியமனம் தொடரபில் மாவட்ட மக்கள் பிரதிநிதிகள் அக்கறை செலுத்தாமையும் இந்த நிலைமைக்கு ஒரு காரணமாக அமைந்துள்ளது எனவும் குறிப்பிடப்படுகிறது. கிளிநொச்சி மாவட்டதில் 2015 ஆம் ஆண்டு 11734 சமூர்த்தி பயனாணிகள் குடும்பங்கள் காணப்பட்ட போதும் தற்போதும் அவற்றில் குறைவு ஏற்பட்டு 11556 ஆக காணப்படுகிறது.

Spread the love
 
 
      

Related News

Leave a Comment

This site uses Akismet to reduce spam. Learn how your comment data is processed.

This website uses cookies to improve your experience. We'll assume you're ok with this, but you can opt-out if you wish. Accept Read More