அவுஸ்திரேலியா லெவன் அணிக்கெதிரான பயிற்சி ஆட்டத்திற்கான இங்கிலாந்து லெவன் அணியின் தலைவராக மொயீன் அலி நியமிக்கப்பட்டுள்ளார். இங்கிலாந்து அவுஸ்திரேலிய அணிகளுக்கு இடையிலான ஐந்து போட்டிகள் கொண்ட ஆஷஸ் கிரிக்கெட் தொடர் நடைபெற்று வருகின்றது. இதில் ஏற்கனவே முடிவடைந்த இரு போட்டிகளிலும் அவுஸ்திரேலிய அணி வெற்றி பெற்று தொடரில் 2-0 என முன்னிலையில் உள்ளது.
3வது டெஸ்ட் போட்டி எதிர்வரும் 14ம் திகதி உலகின் அதிவேக ஆடுகளம் எனக்கூறப்படும் பெர்த்தில் ஆரம்பமாகவுள்ளது. இதற்கு முன் இங்கிலாந்து லெவன் அணி அவுஸ்திரேலியா லெவன் அணிக்கெதிராக இரண்டு நாட்கள் கொண்ட பயிற்சி போட்டியில் விளையாடவுள்ளது.
இந்த போட்டி எதிர்வரும் சனிக்கிழமை ஆரம்பமாகவுள்ள நிலையில் இதற்கான இங்கிலாந்து லெவன் அணிக்கு சகலதுறை ஆட்டக்காரரான சுழற்பந்து வீச்சாளர் மொயீன் அலி அணித்தலைவராக நியமிக்கப்பட்டுள்ளார்.
