புதுச்சேரியைச் சேர்ந்த பிரபல எழுத்தாளர் பிரபஞ்சன் புற்றுநோயால் பாதிக்கப்பட்டு சிகிச்சை பெற்று வந்த நிலையில்  இன்று காலமானார்.புதுச்சேரியில் 1945-ம் ஆண்டு பிறந்த பிரபஞ்சன் பத்திரிகைகள் மூலம் தனது எழுத்துப்பணியை தொடங்கினார். வானம் வசப்படும் என்ற வரலாற்று புதினத்துக்கு இவருக்கு சாகித்ய அகாடமி விருது வழங்கப்பட்டது.

100-க்கும் மேற்பட்ட நாவல்களை எழுதியுள்ள பிரபஞ்சன், கடந்த ஓராண்டாக புற்றுநோயால் கடும் பாதிக்கப்பட்டிருந்த  அவர் மருத்துவமனையில் தீவிர சிகிச்சை எடுத்துக்கொண்ட நிலையில்    சற்று உடல்நலம் தேறி பொதுநிகழ்ச்சிகளில் கலந்து கொண்டார்.இந்நிலையில், அவரது உடல்நிலை மோசமானதை அடுத்து இன்று காலமானதாக தகவல்கள் வெளியாகியுள்ளது.