வட, தென் கொரிய நாடுகள் ஒரே கொடியின் கீழ் ஒலிம்பிக் போட்டியில் அணி வகுக்க உள்ளன

குளோபல் தமிழ்ச் செய்தியாளர்
வட கொரியா மற்றும் தென் கொரியா ஆகிய நாடுகள் ஒரே கொடியின் கீழ் ஒலிம்பிக் போட்டியில் அணி வகுத்துச் செல்ல உள்ளதாகத் தெரிவிக்கப்படுகிறது. எதிர்வரும் பெப்ரவரி மாதம் தென்கொரியாவின் சியோலில் குளிர்கால ஒலிம்பிக் போட்டித் தொடர் நடைபெறவுள்ளது. இந்த ஒலிம்பிக் போட்டித் தொடரில் வட கொரியாவும் தென் கொரியாவும் இணைந்து ஒரே அணியாக ஒரே கொடியின் கீழ் அணி வகுக்க உள்ளன.

ஒலிம்பிக் போட்டித் தொடரின் ஐஸ் ஹொக்கி போட்டியில் பங்கேற்கும் அணியில் இரண்டு நாடுகளினதும் பெண் வீராங்கனைகளை இணைத்து ஓர் அணியாக களமிறங்குவதற்கு தீர்மானிக்கப்பட்டுள்ளது. இரண்டு நாடுகளுக்கும் இடையில் நடைபெற்ற உயர் மட்டப் பேச்சுவார்த்தையின் பின்னர் இந்த இணக்கம் காணப்பட்டுள்ளது.