உலகக் கிண்ணப் போட்டித் தொடரில் விளையாட எதிர்பார்ப்பதாக சுரேஸ் ரய்னா அறிவிப்பு

குளோபல் தமிழ்ச் செய்தியாளர்

உலகக் கிண்ணப் போட்டித் தொடரில் விளையாடுவதற்கு தாம் எதிர்பார்ப்பதாக இந்திய அணியின் நட்சத்திர வீரர் சுரேஸ் ரய்னா தெரிவித்துள்ளார். நீண்ட இடைவெளியின் பின்னர் சுரேஸ் ரய்னா இந்திய அணியில் இடம்பிடித்துள்ளார். தென்ஆபிரிக்காவிற்கு எதிரான இருபதுக்கு இருபது போட்டித் தொடரில் ரய்னா பங்கேற்க உள்ளார். மூன்று போட்டிகளைக் கொண்டு இருபதுக்கு இருபது தொடரில் ரய்னா விளையாட உள்ளார்.

இந்தப் போட்டித் தொடர் மிகவும் முக்கியமானது எனவும், உலகக் கிண்ணப் போட்டித் தொடரில் பங்கேற்பதற்கு தாம் விரும்புவதாகவும் அவர் தெரிவித்துள்ளார். கிடைக்கும் சந்தர்ப்பங்களில் சிறந்த திறமைகளை வெளிப்படுத்தி ஒருநாள் அணியில் இடம்பிடித்துக்கொள்ளவே முயற்சிப்பதாகத் தெரிவித்துள்ளார்