உத்தரபிரதேசத்தில் இரண்டாவது முறையாக அம்பேத்கர் சிலை உடைப்பு

சிலை உடைப்பு சம்பவங்களின் தொடர்ச்சியாக, உத்தரபிரதேச மாநிலம் ஆசம்கர் மாவட்டத்தில் பி.ஆர். அம்பேத்கரின் சிலை நேற்று உடைத்து சேதப்படுத்தப்பட்டுள்ளது. உ.பி.யின் மீரட் மாவட்டத்தில் கடந்த புதன்கிழமை அம்பேத்கர் சிலை சேதப்படுத்தப்பட்டிருந்த நிலையில் இரண்டாவது முறையாக ஆசம்கர் மாவட்டத்தில் அம்பேத்கர் சிலையை சிலர் சேதப்படுத்தியுள்ளனர்.

திரிபுரா மாநிலத்தில் பாஜக ஆட்சியை கைப்பற்றிய பிறகு அங்கு கம்யூனிச புரட்சியாளர் லெனின் சிலை உடைக்கப்பட்டதையடுத்து தமிழகத்தின் வேலூர் மாவட்டம், திருப்பத்தூரில் பெரியார் ஈ.வெ.ரா சிலையும், கொல்கத்தாவில் ஜன சங்க நிறுவனர் ஷ்யாமா பிரசாத் முகர்ஜி சிலையும் சேதப்படுத்தப்பட்டன என்பது குறிப்பிடத்தக்கது