‘சவரக்கத்தி’ படத்தைத் தொடர்ந்து மற்றொரு படத்திலும் மிஷ்கின். வில்லனாக நடிக்கவுள்ளதாக தெரிவிக்கப்பட்டுள்ளது. ஜி.ஆர்.ஆதித்யன் இயக்கத்தில் வெளியான ‘சவரக்கத்தி’ திரைப்படத்தில் இயக்குநர் ராம் கதாநாயகனாக நடித்திருந்தநிலையில் அவருக்கு ஜோடியாக பூர்ணா நடித்திருந்தார். இந்தப் படத்திற்கு கதை, திரைக்கதை, வசனம் எழுதி தயாரித்த மிஷ்கின், வில்லனாகவும் நடித்திருந்தார்.
இந்நிலையில், மீண்டும் மிஷ்கின். ஒரு படத்தில் வில்லனாக நடிக்க ஒப்பந்தமாகியுள்ளார். இயக்குநராக அறிமுகமாகும் அருண் மாதேஷ்வரனின் படத்தில்தான் மிஷ்கின வில்லனாக நடிக்கவுள்ளதாக தெரிவிக்கப்பட்டுள்ளது. தர்புகா ஷிவா இசையமைக்கும் இந்தப் படத்துக்கு ஸ்ரேயாஸ் கிருஷ்ணா ஒளிப்பதிவு செய்யவுள்ளார்
தியாகராஜன் குமாரராஜா இயக்கி விஜய் சேதுபதி நடிக்கும் ‘சூப்பர் டீலக்ஸ்’ படத்தில் தற்போது பூசாரியாக நடித்து வருகின்ற மிஷ்கின் , சாந்தனு பாக்யராஜ் கதாநாயகனாக நடிக்கும் படத்தை இயக்குவதற்கான பணிகளிலும் ஈடுபட்டு வருகிறார் என்பது குறிப்பிடத்தக்கது
