இலங்கை பிரதான செய்திகள்

கொக்குவில் வாள்வெட்டுக்கும் சுவிஸ்  கணவனின் முன்னாள் மனைவிக்கும் தொடர்பா?

கொக்குவில் வாள்வெட்டுக்கும் சுவிஸ்  கணவனின் முன்னாள் மனைவிக்கும் தொடர்பா? இலக்கில் இருந்து தப்பிய இன்னாள் மனைவியின் வாக்குமூலம்..

யாழ்ப்­பா­ணம் – கொக்­கு­வில் பகு­தி­யி­லுள்ள வீடொன்­றுக்குள் புகுந்த இரு­வர் அங்­கி­ருந்த நடன ஆசி­ரி­யை­யும் அவ­ரது தாயா­ரை­யும் கத்­தி­யால் வெட்­டிக் காயப்படுத்திய பின்  தப்­பிச் சென்­ற­னர். படு­கா­ய­ம­டைந்த ஆசி­ரி­யை­யும், தாயும் யாழ்ப்­பா­ணம் போதனா மருத்­து­வ­ம­னை­யில்  சேர்க்கப்பட்டனர்.

இந்­தச் சம்­ப­வம் நேற்­றுப் பிற்­ப­கல் 2.45 மணி­ய­ள­வில் (30.04.18) கொக்­கு­வில் மூன்றாம் கட்டடையில் (தாவ­டிக்கு அண்­மை­யில்) நடந்­துள்­ளது. மோட்­டார் சைக்­கி­ளில் சென்ற  இரு­வர் வீட்­டுக்­குள் நுழைந்து தாக்­கு­தல் நடத்­தி­யுள்­ள­னர்.

ஆசி­ரி­யை­யின் கூத்­தலை வெட்­டிக் அவ­ரைக் கொடூ­ர­மா­கக் கொடு­மைப்­ப­டுத்­தி­னர். அவ­ரைக் கத்தியால்  வெட்­டிக் காயப்­ப­டுத்­தி­ உள்ளனர்.  தாக்­கி­ய­வர்­க­ளைத் தடுக்­கச் சென்ற ஆசி­ரி­யை­யின் தாயை­யும் அவர்­கள் வெட்­டிக் காயப்­ப­டுத்­தி­யுள்­ள­னர். தாக்­கு­தலை நடத்­தி­விட்டு இரு­வ­ரும் தப்பிச் சென்றுள்ளனர்.

கடும் காயங்­க­ளுக்கு உள்­ளான ஆசி­ரி­யை­யும், தாயை­யும் அய­ல­வர்­கள் யாழ்ப்­பா­ணம் போதனா வைத்தியசாலையில் சேர்ப்­பித்­த­னர். சம்­ப­வம் தொடர்­பில் காவற்துறையினரிடம் முறைப்பாடு செய்யப்பட்டது. காவற்துறையினர்  விசா­ர­ணை­களை ஆரம்­பித்­துள்­ள­னர்.

தாக்­கு­த­லா­ளி­க­ளின் இலக்கு ஆசி­ரியை இல்லை என்­றும், அவ­ரது தங்­கையே என்­றும் காவற்துறையினர்  தெரி­வித்­த­னர். ஆசிரியையின் தங்கை சம்பவத்தின் போது வீட்­டில் இருந்­துள்­ள்ளார். அவர் சுதா­ரித்­துக்­கொண்டு ஒளிந்து கொண்­ட­தால்  தப்பித்துள்ளார். வெளிநாட்டில்  உள்ள ஒரு­வ­ருக்­கும் இந்­தத் தாக்­கு­தல் சம்­ப­வத்­தில் தொடர்­பி­ருக்­க­லாம் என்ற சந்தேகத்தை காவற்துறையினர் வெளியிட்டுள்ளனர்.

சுவிஸில் உள்ள  தனது கண­வ­ரின் முதல் மனை­வியே தாக்­கு­த­லுக்­குக் கார­ணம் என ஆசிரியையின் தங்கை விசா­ர­ணை­யின்­போது தெரி­வித்­துள்­ளார். சில தினங்களுக்கு முன்­னர் அவர் தன்னைத்  தொடர்­பு­கொண்டு திரு­மண முறி­வுப் பத்­தி­ரத்­தில் கையெ­ழுத்­திட வேண்­டும் என்று அச்சுறுத்தினார். என்­றும் அது தொடர்­பில் யாழ்ப்பாணம காவல் நிலை­யத்­தில்  முறைப்பாடு  செய்யப்பட்டுள்ளது. இந்த நிலையில்  அவரே கூலிக்கு ஆள்­களை வைத்­துக் கொல்ல முயற்சித்திருக்கலாம் என்­றும் ஆசி­ரி­யை­யின் தங்கை விசா­ர­ணை­யில்  தெரிவித்துள்ளார்.

தாக்­கு­த­லா­ளி­கள் அந்­தப் பகு­தி­யில் உள்ள பாது­காப்­புக் கமரா ஒன்­றில் பதி­வா­கி­யுள்­ள­னர் என்­றும், நேற்று கொக்­கு­வில் பகு­தி­யில் உள்ள கடை­யொன்­றில் கத்தி வாங்கிக் கொண்டு ஆசி­ரி­யை­யின் வீட்­டுக்­குச் சென்று தாக்­கு­தல் நடத்­தி­யுள்­ள­னர் என்றும்,  விசாரணைகளில்  தெரி­ய­வந்­துள்­ளது.

இதேவேளை தாக்குதல்தாரிகள்  பயன்­ப­டுத்­திய மோட்­டார் சைக்­கிள் வவு­னிய மாவட்­டத்­தில் பதிவு செய்­யப்­பட்­டுள்­ளது எனத் தெரி­வித்த காவற்துறையினர்,  சந்தேக நபர்கள் விரைவாக கைதுசெய்யப்படுவர் எனவும் தெரிவித்துள்ளனர்..

Spread the love
  •   
  •   
  •   
  •   
  •  
  •  
  •  
  •  

Add Comment

Click here to post a comment

Leave a Reply

This site uses Akismet to reduce spam. Learn how your comment data is processed.