சமுத்திரக்கனி இயக்கத்தில் `நாடோடிகள்-2′ படம் வெளியீட்டுக்கு தயாராகி வருகின்ற நிலையில், அடுத்து `அப்பா’ படத்தின் இரண்டாவது பாகத்தை இயக்கப் போவதாக நடிகரும் இயக்குனருமான சமுத்திரக்கனி அறிவித்துள்ளார். `காலா’ படத்தில் தனித்துவமான கதாபாத்திரம் ஒன்றில் நடித்து ரசிகர்களை கவர்ந்துள்ள சமுத்திரக்கனி நடிப்பில், அடுத்ததாக `ஆண்தேவை’ என்ற திரைப்படம் விரைவில் வெளியாக உள்ளது. அத்துடன் சமுத்திரக்கனி இயக்கத்தில் சசிகுமார் நடிப்பில் உருவாகி ஊள்ள `நாடோடிகள்-2′ திரைப்படமும் விரைவில் வெளியாக இருக்கின்றது.
இந்த நிலையில், தனது அடுத்த படம் குறித்த அறிவிப்பை சமுத்திரக்கனி நேற்று வெளியிட்டுள்ளார். சமுத்திரக்கனி இயக்கத்தில் கடந்த 2016ஆம் வெளியான படம் `அப்பா’. சமுத்திரக்கனி, தம்பி ராமைய்யா, நமோ நாராயணா, கேப்ரியல்லா சார்ல்டன், விக்னேஷ் உள்ளிட்ட பலரும் நடித்த இந்த படம் ரசிகர்களிடையே பெரும் வரவேற்றை பெற்றது.
தந்தையர் தினமான நேற்று தந்தையர் தின வாழ்த்துக்களுடன் `அப்பா-2′ படம் ஆரம்பமாகியிருப்பதாக சமுத்திரக்கனி திரைச்சுவரொட்டியுடன் (போஸ்டர்) அறிவித்துள்ளார்.
