Home இந்தியா பாலியல் பலாத்கார வழக்கு தொடர்பில் நித்யானந்தாவுக்கு பிடியாணை

பாலியல் பலாத்கார வழக்கு தொடர்பில் நித்யானந்தாவுக்கு பிடியாணை

by admin

பாலியல் பலாத்காரம் உள்ளிட்ட வழக்குகளில் விசாரணைக்கு முன்னிலையாகாததால் நித்யானந்தாவுக்கு நீதிமன்றம் பிடியாணை பிறப்பித்துள்ளது. கர்நாடக மாநிலம் ராமநகர் மாவட்டத்தில் ஆசிரமம் நடத்தி வரும் நித்யானந்தா சாமியார் மீது பெண் சீடர் ஆர்த்திராவ் கொடுத்த பாலியல் பலாத்கார வழக்கு, கார் சாரதி; லெனின் கருப்பனுக்கு கொலை மிரட்டல் விடுத்தது உள்ளிட்ட 8 வழக்குகள் தொடர்பாக புலனாய்வுக் காவல்துறையினர் விசாரணை மேற்கொண்டு வருகின்றனர்.

தன் மீதான வழக்குகளை ரத்து செய்யக்கோரி கர்நாடக உயர்நீதிமன்றல் நித்யானந்தா தாக்கல் செய்த மனுவினை தள்ளுபடி செய்த நீதிமன்றம அவர் மீதான வழக்குகளை விசாரிக்க உத்தரவிட்டது.இதனைத் தொடர்ந்து நடைபெற்ற 2 வழக்கு விசாரணைகளுக்கு நித்யானந்தா முன்னிலையாகாதநிலையில் நேற்று நடைபெற்ற விசாரணையின் போதும் வடமாநிலங்களில் ஆன்மிக சுற்றுப்பயணத்தில் ஈடுபட்டுள்ளதாக தெரிவித்து முன்னிலையாகவில்லை.

இதனைத் தொடர்ந்து 3 முறை தொடர்ந்து விசாரணைக்கு முன்னிலையாகாத ; நித்யானந்தாவுக்கு பிடியாணை பிறப்பித்து நீதிபதி உத்தரவு பிறப்பித்ததுடன் விசாரணையை எதிர்வரும் 14ம் திகதிpவரை ஒத்திவைத்தார். நீதிபதியின் உத்தரவை அடுத்து நித்யானந்தாவை கைது செய்ய காவல்துறையினர் நடவடிக்கை எடுத்து வருகிறார்கள்.

Spread the love
 
 
      

Related News

Leave a Comment

This site uses Akismet to reduce spam. Learn how your comment data is processed.

This website uses cookies to improve your experience. We'll assume you're ok with this, but you can opt-out if you wish. Accept Read More