குளோபல் தமிழ் விசேட செய்தியாளர்
இலங்கையின் அடுத்த ஜனாதிபதி வந்துள்ளார் என, இந்திய பாரதிய ஜனதா கட்சியின் தலைவர்களில் ஒருவரான சுப்பி மணியன் சுவாமி, மகிந்த ராஜபக்ஸவை குறிப்பிட்டுள்ளார். முன்னாள் ஜனாதிபதி மகிந்த ராஜபக்சவின் டில்லி பயணம் தொடர்பில் தனது ருவிட்டர் பக்கத்தில் பதிவிட்ட சுப்பிரமணியன் சுவாமி, முன்னாள் ஜனாதிபதியும் எதிர்காலத்தில் ஜனாதிபதியாக வரவுள்ள மகிந்த ராஜபக்ச, இந்துஸ்தான் சங்கம் நடாத்தும் நிகழ்வொன்றில் கலந்துகொண்டு, பொதுக்கூட்டத்தில் உரையாடவுள்ளதாகவும் தெரிவித்துள்ளார்.
இதேவேளை ராஜீவ்காந்தி கொலை வழக்கில் குற்றம் சுமத்தப்பட்ட பேரறிவாளன் உள்ளிட்ட ஏழுபேரை விடுவிப்பது தொடர்பில் மகிந்தவிடம் ஊடகவியலாளர்கள் கருத்துக் கேட்டபோது, இது இந்திய அரசின் முடிவின்பாற்பட்டது என்றும் சட்டவிவகாரத்தில் கருத்துக் கூற விரும்பவில்லை என்றும் மறுப்புத் தெரிவித்தார்.
